FeaturedSomali News

Bannaan bax lagu taageerayay Howlgalka ka dhanka ah Al Shabaab oo la dhigay

Waxaa maanta degmada Baxdo ee gobolka Galgaduud ka dhacay bannaan bax balaaran oo lagu taageerayay wajiga labaad ee howlgalka ka dhanka ah kooxda Al Shabaab ee la filayo in uu ka bilowdo Galmudug.

Dadka bannaan baxa isugu yimid oo ka kala yimid deegaanno kala duwan ayaa ku dhawaaqayay ereyo ka dhan ah kooxda Al Shabaab, waxa ayna taageero u muujinayeen ciidanka dowladda iyo kuwa deegaanka ee la dagaallamaya Al Shabaab.

Bannaan baxayaasha qaarkood oo warbaahinta la hadlay ayaa boggaadiyay wajiga labaad ee howlgalka la doonayo in Al Shabaab looga saaro deegaannada ay ka joogaan gobolada Galgaduud iyo Mudug.

Deegaannada maamulka Galmudug ayaa la filayaa in dhawwaan ka bilowdaan howlgalo ka dhan ah kooxda Al Shabaab, howlgalka ayaana waxaa hoggaaminaya madaxweynaha Soomaaliya oo hadda saldhig ka dhigtay magaalada Dhuusomareeb.

Leave a Reply

Your email address will not be published. Required fields are marked *